 |
| Pagatpat Matalom Leyte |
Karong adlawa December 31, 2014 miadto jud mi sa pagatpat. Nagsidecar ra ming magpamilya from Hindang-Hilongos - Matalom nagjeep. Mihunong mi sa Baranggay Santa Fe. Miabot mi quarter to 11 sa buntag. May halong excitement pagnaog sa jeep pagkakita ko na pagatpat na. Diretso dayon mi sa sulod.
Adto dayon mi sa kahera. Ag uban namo kauban labi na mga bata dagan dayon sa mga kubo kubo nga natarok sa mga manggroves. Duha pa ka table ang occupied pagabot namo. Wa pa mangabot ang mga nagpareserve.
Ang ahong ate ug usa ka igsoon ang nakipagdeal sa kahera. Bisan pa nga fully book tanan ang mga table sa cottage, naswertihan mi kay dihay nagbackout usa ka nagpareserve. So gihatag namo ang table 6.
Pili na mi ug among order. Dayon hatag ang among order sa kahera. Ahong giurasan 11:04 na. Picture picture habang naghuwat sa amo order. Lingkod mi sa among table estorya estorya unya ang mga bata tan-aw tan-aw sa dagat. Taud-taod miabot na pod ang uban nagpareserve. Midaghan daghan na jud ang mga tawo nga nangabot.
Halos nalukop na ag mga table. Sige lang gihapon huwat mi sa among order hangtod mi alas dose na wala pa gihapon ang amo order. Nangaon na lang mi ug biscuit nga amo gipalit sa ilang tindahan. Miabot na ug 12:30 hangtod ala una wala pa gihapon ang order. Gi-follow up na sa ahong igsoon kay nanghilak na ang mga bata sa gutom. Nireklamo na manguli na kuno mi. Ako pod nagpanglipong na sa gutom. Wa mosalir ang biscuit nga ahong gikaon mga alas 11:30. Gusto ko na mugawas mangita carenderia. Ingon ahong ate wala kuno carenderia duol sa pagatpat.
Migawas man ahong ate kay nangita ug carenderia kay nagreklamo na ija anak. Ala una nalukop na jud ang table ug mga tawo. Halos puno na ang tanan 13 ka table. Namatikdan naho murag usa ra man ila server. Dili organize ang pagserve sa pagkaon. Ala una wa pa jud naserve ang pagkaon sa among table. May mga table na naserban, jutay may sud-an pero way kanin. Sa pinakaunang table sila pinakaunang miabot naserban na sila ang mga misunod nga mga table utay utay man.
Dili kumpleto, naay sud-an way kan-on. Sa uban pod naay pipila ka order. Anyways, sa pagbalik balik namo ug follow up 1:30 na jud naserve ang duha namo ka order pansit ug buttered shrimp. Ang kapait way kan-on. Nangluspad na jud ko. Gifollow up na pod sa ahong ate ang kan-on. Miadto pod ko sa ilang lutuan nagpakiluoy jud ko mangayo ug kanin ug sabaw kay nalipong na ko. Wa jud ko panumbalinga sa babaye kay ang ilang giasikaso kutong miorder ug boodle fight. Ingon tong ilang head nga "kun imo balik balikon follow up mapressure sila mga cook". What???? Hinay manglihok ilang mga cook. Ang ilang lutuan gagmay ra nga kaldero ug kawali. Mao diay dugay kaayo magluto. Ahong ate gisigurog follow up ang kan-on murag gipugos jud niya ang taga takos sa kan-on. Tamang tama lng nahurot na ang kan-on sa ilang kaldero. Daghan na jud nagreklamo. Nangasuko na ang ubang tawo nga naghuwat.
Sa dihang naserban mi ug kan-on, kaon na mi dayon. Kay gutom na jud. Ang among tapad table halos kumpleto na ang order nga sud-an pero way kan-on. Paghatod sa ilang server ug mga baso namo, gipangutana namo ug kanus-a maserve ang uban order. Tubag niya: "Wa ta kahibawo unsang orasa". What???? In fairness bisag nagkapuliki na si kuya server relax gihapon siya. Ang among tupad table nangaon nlng bisan way kanin. After one hour mao pay pag-abot sa kanin. Nahurot na ila sud-an. Ang uban table naghangad hangad intawon kanus-a makumpleto ilang order. Follow up ulit ahong igsoon giluto na kuno ang tinolang isda ug ang crab. Amo na gihuwat. Gikancel nalang ang uban namong order. 45 minutes pod hinuwatay. Gitake out na namo. Kami na lang pod nagbalot. Dayon bayad sa counter. Nanguli na mi.
Daghan na jud nangasuko. Nagbagutbot na ang uban kustomer. Ang uban nagbackout na. Gisirado ni kuya server ang gate sa pagatpat. Close na kuno sila. Goodluck na lang sa mga nahabilin. Murag alas 3 na to sila nakakaon. Charge to experience jud tong nahitabo namo. Nakakaon mig tagam. Mao na kun mangadto mo, pareserve mo'g table, paluto na ug pagkaon before moadto. In fairness mga buotan man ang mga staff. Dili lang magsilbi ang pagkabuotan kun nangapasmo na ang kustomer. Makakita jud silag away. Mao ni ila reservation number.
Reservation Number:
09355214354
09287217926
09066165929